قصة مؤثرة وابيات لنجلا

قصه وقصيدة مؤثرة وجدتها في أحد المنتديات وحببت أن انقلها لكم:
كانت نجلاء بنت جميلة جدا وعلى خلق عالي وعندما كبرت كان الخطاب يطرقون بابهم للفوز بها زوجة وعندما تمت الموافقة على العريس المناسب وتم تحديد موعد الزواج مضت نجلاء مع أهلها في الاستعداد لزواج وتجهيز لوازمه وفي تلك الأيام وعند قرب موعد الزواج تعبت نجلاء وطلبت المستشفى وكانت تشكوا من الم في الرأس فأسرعوا بها إلى المستشفي و في المستشفي أدخلت نجلاء مباشرة إلى غرفة العناية المركزة ومنعوا أهلها من رؤيتها حيث إن حالتها كانت خطيرة وسمحوا فقط لوالدها إن يراها لمدة قصيرة..ابتسمت نجلاء ابتسامة ترحيب بوالدها وفي نفس الوقت ابتسامة مودع!! ..وفي اليوم الثاني وفي أثناء الانتظار كان هناك حركة غير طبيعية عند غرفتها في العناية المركزة..فكان الأهل و الأب المكلومين ينتظرون بفارغ الصبر خروج الطبيب من غرفتها ليسألوه عن ما استجد من الوضع المريب !!؟ .. خرج الدكتور وكان وجه متغير ولا يدل على بشرى خير فقال ابوها ماذا حصل يادكتور بالله اخبرنا بالله اخبرنا ارجوك يا دكتور طمنا على نجلاء هل هي بخير فرد الدكتور وقال ان لله وانا الية راجعون لله ادعولها بالرحمه فصعق ابوها وقال ماذا ماتت نجلاء ماتت نجلاء فما كان منه الى ان بكاها بهذة المرثية الرائعة :



لعـل دنيـا غـاب عنهـا قمرهـا**تظلم جوانبها علـى طـول الأيـام
ما ينعرف في يومهـا مـن شهرهـا**واللي يبي لم اليمـن ينحـر الشـام
ولعل عيـن شـح دمعـة مطرهـا**عليـك يـا نجـلا تعثـر بالإقـدام
غديـت مثـل أم الحويـر قهرهـا**قيدا وهـي لحوارهـا تـرزم ارزام
أضيق وأجحد عبرتـي فـي نحرهـا**يردني عن بكـوتِ ديـن الإسـلام
عليـك ياثومـة فـؤادي قمرهـا**موت على كل المـلا حاكـم عـام
موت تخيـر وردتـي مـن زهرهـا**وهي بقلبـي منبتـه حـب واريـام
مـوت معاليقـي بصـدري بترهـا**حكم من المولى جرت بيـه الأقـلام
نوه على نبنـوب عـودي نذرهـا**عـود تغـرق بالربـى والتنـعـام
تسعة عشر عـام لنجـلاء عمرهـا**ربي على حشمه ومنطـوق وإلهـام
يوم القدر يا نـور عينـي خطفهـا**اخفت صواب صابها بالحشـى هـام
ما يدري الغايب ولا مـن حضرهـا**ما غير في وجهه تشـوف التبسـام
طلبت أزوره قالـوا الربـع زرهـا**بس اقصر لجلسه على موجب إلزام
فرحت وقالت ياهـلا فـي سفرهـا**أبوي احبك بس مـا طـاب مـادام
دفنتهـا عقـب استلامـي مهرهـا**حكم من الوالي وهو رب الأحكـام
يـوم حفّـار المقـابـر شبـرهـازادت على الحفرة بشبريـن وإبهـام
ياحفرة ضمـت خصايـل شعرهـا**عسى الحياء يسقيك عام بأثـر عـام
كيف القمر يدفن بـلاذي حفرهـا**عقب البشاشة والبهاء تلبس الخـام
عقـب المعـزة بيـن بـر وبحرهـا**تدفن بقبر موحـش بيـن الارضـام
ودموعي اللي تنطلـق مـن بحرهـا**تصير في خـدي للحـزن مرسـام
أبكي ويبكـي والمحاجـر سعرهـا**مثل الذي مقهور من سـود الأيـام
أبكي ويبكي كل من سمـع خبرهـا**أبكي نهاري وابكي الليل مـا نـام
واعينـي اللـي تستلـذ لسهرهـا**على الذي يبني بقلبـي لـه خيـام
أشوفهـا حولـي تقلـب صورهـا**كنها تنادينـي علـى بـر وإكـرام
واقلبي اللي كل مـا أدلـه ذكرهـا**يزيد فـي نجـلاء تخافيـق وإيهـام
للحـل ياشمـس البنـات وقمرهـا**صلى عليك منـزل اقـرأ والإنعـام
عفيفـة ربـي بديـنـه ستـرهـا**وثيابهـا مـا دنستهـن بـالاثـام
عسـاه بالجنـة تقطـف ثمـرهـا**فـي جـاه ربـي للخفيـات عـلام
صلاة ربي كل مـا همـل مطرهـا**وما ناحت الورقى على روس الاوجام
علـى نبـي للشريعـة نشـرهـا**لين انتشر في نور وزالـن الأوهـام





تقبلوا تحياتي،،،،،،،