كل لغز ومعاه حله

(( الألغاز الشعبية ))

انشد ك عن رجلا اخذ من البيض ثنتين

يرقد بينهن وكلا يشوفه

لا اخذهن بدعه ولا اخذهن على الدين

والكاف لتوضيح اول حروفه

واظن عــــــاشق وضحـه لكــم زين

والذكي منكم ماضني يطوفــه

الجواب (( ورقة الكربون ))

انشدك عن رجلا كبيرا مقـــامـــــه

يامر وينهى دون رجلين ويدين

احيان الناس تبغى منه السلا مــــه

تمشي في دربه في جميع الميادين

الجواب (( التقويم ))

انشد ك من غمرا شبــــــابه اسبوعيــــــن

وبعــــــد اسبوعـــــــين ينثنــــــي شايـــــب

وكلا يحبـــــــه غيـــــر طلا بة الد يـــن

ومد وره الا فـــــاق فـــــــوق النجايـــــــب

الجواب ((القمـــــــر ))

ويــــــش شــــــي يرهزاك

يرهز امــــــك من وراك

ان تقدم عقب الـــــــدم

وان تــــــاخر يا بـــــلاك

الجواب (( الضـــــرس ))

وش لك من عذرى تستر الناس

والناس تعشقها ولاهي عشاقه

ماتاخذ الى من توده وبقياس

كمواحدا جاها وانحاش من غثاها

الجواب ((البدله العسكريه ))

ويــــــش شايــــــب يدينـــــه في امتونه

لامسكله صيدة مايجيه الى اعياله

يسهر اليل الطويل ولاتحقق في اعيونه

وان نصاه المعتدي ياقف على احياله

الجواب ((القفل ))

يالي تحل الغز مليان لك انت

رجلا فهيم للمعاني تحلي

انشدك وش بنت تعلت على بنت

ورجالهن من فوقهن مستقلي

الجواب ((الطاقيه والغتره والعقال ))

انشدك عن عذرى طويلا جعدها

ماهيب جنيه ولامن الناس

تضرب بسيف ماتشيله بيدها

سيف لمنه ورد قطع الياس

الجواب (( الحيه ))

انشدك عن حي ينقله ميت

ولامشى الحي صاح الميت

الجواب (( الجرس ))

ياويش بنت مالها مذهب ولا مله

بنت شهرها لك الله فعلها الرايع

فرقت بين التشابه كيف بسم الله

والي عشقها عن دروب السنع ضايع

الجواب ((البوصله ))

انشدك عن واحدا ذباح

عند العرب دايم غالي

يذبح خويه من دون السلاح

وفي النفس فنه ما زالي

الجواب ((النوم ))

منقووووول

اتمنى ان ينال اعجابكم وترقبو كل ماهو جديد (( يهمني رايكم ))

وشكرا